ILfurlanist

Venezia Giulia, la regione inventata:...

dree — Thu, 08 May 2008 15:28:46 +0200

Venezia Giulia, la regione inventata: la presentazion
A Coder, presentazion dal libri

Doman VINARS ai 9 di MAI
a lis 20.30
li di CJASE TUROLDO A CODER DI SEDEAN
(Vie Percoto, 7)
l'Istitût Ladin Furlan "Pre Checo Placerean"
al à organizât la presentazion dal libri:

VENEZIA GIULIA, REGIONE INVENTATA
di Roberta Michieli e Giuliano Zelco
Edizions Kappavu.
Une recension dal libri si cjatile ancje su la ultime Patrie ="commento al sito">(il numar al è scjamabil in pdf achi).

Pubblicato da dree | Commenti (12)

Tags: cunvignis

Su lis olmis de storie Il viaç di un...

dree — Thu, 08 May 2008 15:28:02 +0200

Su lis olmis de storie
Il viaç di un dissendent di un legjonari cecoslovac, justiziât dilunc de Grande Vuere
Vaclav Viktora al è un dissendent di Frantisek Viktora, un dai legjonaris cecoslovacs justiziâts des bandis di San Donà dal Piave dilunc de Grande Vuere.
In ocasion dal novantesim inovâl de muart dal so von - fradi di so nono - al à pensât di memoreâlu cuntun viaç a pît che di Lèvin - li che al jere a stâ Frantisek Viktora - al traversarà la Rep. Ceca, le Austrie e l'Italie per finî propit a San Donà.
Vaclav al partìs vuê, il percors al sarà di plui o mancul 600 km dividût in 23 tapis.Lait a viodi http://sulleormedellegionario.googlepages.com/storia
="commento al sito">achi la storie dai legionaris cecoslovacs, che a forin jenfri i fondadôrs ideâi dal stât cecoslovac.

Pubblicato da dree | Commenti (1)

Tags: storie

Il Comun di Cuneo pal...

dree — Thu, 08 May 2008 15:27:16 +0200

Il Comun di Cuneo pal Ocitan
Infuartî la presince de lenghe

Sfrutâ miôr la 482 e sportei lenghistics: http://www.targatocn.it/it/internal.php?news_code=48965&cat_code=82
="commento al sito">la Provincie di Cuneo e infuartìs lis iniziativis a pro dal ocitan.

Pubblicato da dree | Commenti (1)

Tags: lenghis

Di vuê plui informâts sul furlan Si...

dree — Wed, 07 May 2008 15:18:42 +0200

Di vuê plui informâts sul furlan
Si pues iscrivisi a la mail dal com. 482

Cumò al è pussibil http://com482.altervista.org/sostegninus.htm
="commento al sito">iscrivisi on line a la mailing list dal Comitât 482. Iscrivisi al vûl dî jessi informâts su lis ativitâts a pro dal furlan e infuartî il moviment.

Pubblicato da dree | Commenti (25)

Tags: internet, furlan

Biel cjossolant .... Pota pota pota...

pionir — Wed, 07 May 2008 12:44:39 +0200

Biel cjossolant .... Pota pota pota .... In tancj paîs dulintôr Berghem e àn mitût i tabei "bilengai" talian e dialet bergamasc . Ma ca di no ju vino già in ducj i paîs? Sperìn che nol sedi ancjemò cualchi comun ....... pote pote pote.

Pubblicato da pionir | Commenti (3)

Aldo: dut un fisco! Gnove cjançon di...

dree — Wed, 07 May 2008 09:33:49 +0200

Aldo: dut un fisco!
Gnove cjançon di Aldo Rossi scjamabil gratissss

E je disponibil http://www.aldorossi.net/
="commento al sito">li dal sît di Aldo Rossi une gnove "curte". Lis "curtis" a son cjançonutis, che cun lôr Aldo al satiregjie su abitudinis e fats di cronache furlans e talians. Cheste e je su la publicazion dai dâts fiscâi 2005 fate di Visco: dut un fisco!

Pubblicato da dree | Commenti (6)

Tags: internet

Gnovis servitûts militârs Daspò...

dree — Tue, 06 May 2008 18:06:09 +0200

Gnovis servitûts militârs
Daspò Davian cu le atomiche un Friûl simpri plui militarizât.

Si sperave di vêle finide cun lis servitûts militârs. Cumò http://ilfurlanist.splinder.com/post/16938218#cid-45434533
="commento al sito">un articul sul MV (com. #31) nus informe che l'aeropuart di Rivolt al deventarà une base missilistiche! «Ottime prospettive», lis clame il gjiornalist.
Bocje ce ustu: di Rivolt a rivoltant...
(Te foto, la biele prospetive di un Patriot in partince)

Pubblicato da dree | Commenti (18)

Tags: cronache

dree — Tue, 06 May 2008 09:56:42 +0200

Pubblicato da dree | Commenti (7)

Assessôrs sentâts Distribuidis lis...

dree — Tue, 06 May 2008 00:25:09 +0200

Assessôrs sentâts
Distribuidis lis deleghis ai assessôrs de gnove Zonte

Renzo Tondo (Pdl-Fi, presidente), CJARGNEL
Luca Ciriani (Pdl-An) FURLAN DI PN vicepresident e assessôr aes Ativitâts produtivis

Elio De Anna (Pdl-Fi) FURLAN di Pordenon, al Personâl e ai Servizis informatîfs
Vladimiro Kosic (esterni) TRIESTIN, Sanitât e Protezion sociâl
Vanni Lenna (Pdl-Fi) CJARGNEL, Ambient e Lavôrs publics
Roberto Molinaro (Udc) FURLAN di Udin, Istruzion, la Culture, la Formazion professionâl, lo Sport e la Pâs
Riccardo Riccardi (Pdl-An) FURLAN di Udin, Planificazion teritori, energjie, mobilitât
Alessia Rosolen (Pdl-An) TRIESTINE, Lavôr, Formazion universitarie e Ricercje
Sandra Savino (Pdl-Fi), TRIESTINE, assessôr aes Risorsis economichis e finanziariis, al Patrimoni e ai Servizis gjenerâi
Federica Seganti (Lega Nord) TRIESTINE, relazions internazionâls e autonomiis locâls
Claudio Violino (Lega Nord) FURLAN di Udin, risorsis agriculis, naturâls, forestâls e a la mont
Magari cussì no, nissun furlan di Gurize. Come tal câs des manifestazions pe colade dai cunfins cu la Slovenie "robadis" tal ultin di Triest, i reste il fulminant in man.
Numars in struc. Provincie di Triest (236.320 abitants, 19% de regjon): 4 di lôr in Zonte, il 36%. Provinciis furlanis (966.000 abitants, 81% de regjon) 7 di lôr in Zonte il 64%

Pubblicato da dree | Commenti (30)

Tags: cronache, politiche

Venezia Giulia, la regione...

dree — Mon, 05 May 2008 18:41:05 +0200

Venezia Giulia, la regione inventata
Al puest di une regjion mai nassude - il Friûl - si invente une atre mai stade

Intune interviste a lenghe.net ="commento al sito">a spieghin lis resons de realizazion dal libri «Venezia Giulia, la regione inventata».

Pubblicato da dree | Commenti (5)

Tags: storie