Insiumps

no title

2008-04-01T17:09:50+02:00

Graffiti Furlans Fâ...

2006-11-14T12:48:23+01:00

Graffiti Furlans Fâ "La Purcite"... Ce sarae mai chiste "purcite"? 1) il prim film par furlan di Tinto Brass ? 2) Il sorenom de frutate che jè vignude a stâ dongje di cjase ? 3) il non dât al prin lunari erotic editât dai celts in chê ete? . Nie di dut chest. La storie vere nus e conte Ines di Tole ... - pôs al dì di uè a cognossin il significat dal det : "fâ la purcite a cualchidun". Jo i cirarai di daus cualchi detai par capì e imparà il mistîr. Chiste tradizion popolâr che oramai si và pierdint come tantes atres plui impuartantes ,a si faseve cuant che doi morôs si lasciavin e a butavin a mont il lôr rapuart amorôs o adiriture il matrimoni. I amis plui svelts di une o di che atre bande a decidevin di fà savê al mont di chiste roture da l'union sentimentâl fasint par l'apont" la purcite". Si tratave di sbilzà somp x insomp une rie di cjalcine che a segnave la strade da la cjase di lui a chê di jè, ancje fûr di pais, e scrivi alc par tiere par comentà las colpes , i tuarts, o semplicementi las resons da la roture da copie. Naturalmentri i coments a erin di part, val a dì di ce bande che a erin i amiis. Istruzions pratiches: Si cjapave su un bidon di chei di vueli di motôr, a si meteve un rubinet tal puest dal tapon e si faseve une buse pal respîr. Si leve là di Tole a Cosean a cjoli un sac di cjalcine studade e un 1 litro di Vinavil. senò a la prime ploe al lave vie dut. Secont i guscj ancje un colorant , di solit colôr rose, di chei par piture di mûr. Si butave dut dal bidon e si giontave aghe. Une biele messedade par rindi il dut adat al ûs artistic. Si spetavin las 2 o 3 di gnot cuant che la int a varès vût di sei a durmì. Se a tocjave d'estat si riscjave di cjatà chei che a van a gambia la linee di irigazions, ma par plui a stevin al giuc e a tasevin. Cjamât il bidon suntune machine comude di puartelon daûr, si partive cun i lavôrs. Si molave un fîl dal compòst otignût e si traciave il percors, cui pinei si completave l'opere. Si cirive di nò fassi jodi di nissun , une par no vigni incolpâs di ce ca si scriveve e doi parceche al è un reât sporcjà la strade!!! Magari a podeve ancje là drete se come il mè amì Tarcisio fermât ta riforme dai carabinirs napoletans che ai domandavin ce ch'al stes fasint a la sô rispueste : "LA MAIALA" a no son lâs oltre cun denuncies, ma no si pò mai savè! Tal indoman si faseve finte di nuje, di no cognossi i autôrs dal misfat e si rideve in compagnie par l'aventure noturne. Purcites di uè e purcites di iar. Di recent, stant che uè nissun si ricuarde di chiste tradizion al moment just e par no fale colâ tal dimenticatoio, a Cosean a è stade fate une purcite par fente che no partave di nissune bande, par un complean di un ex giovin che nol vuleve savent di sei rivat ai trente e ca nol voleve sintî peraule sul paiâ di bevi in chiste ocasion di un traguart cussì speciâl. Mai però no si po smenteasi da purcite à la vecje e gloriose maniere fate a doi morôs di Cosean atôr dai ains sessante, lasciant il segno ta strade di clap di une volte cuntune biele rie di ledan !!!! robes di no crodi. Ines di Tole

Pubblicato da pionir | Commenti

»»» INSIUMPS al...

2006-03-14T18:28:04+01:00

»»» INSIUMPS al devente VENCUL . A ere une gnot nere di buere e nêf cuan che il comun di Spilimberg al decideve di meti te bacheche dal municipi un cartelon come chel ca sot Sacrabolt, tocje metisi in vore !! info http://www.comune.spilimbergo.pn.it/esterni/ZPF.pdf

Pubblicato da pionir | Commenti

»»» INSIUMPS La...

2006-01-10T18:28:24+01:00

»»» INSIUMPS La rubriche di puisie de ILfurlanist. Segnalazions in redazion: ancjemò une gnove autore nus ven proponude dai nestris blogarins, chiste e jè le volte di Nelvia di Monte. Nelvia Di Monte. Poesia scelta apposta per gli emigranti.Viars cjase (da Cun pàs lizêr, La Barca di Babele, Meduno 2005) girant par une citâtdi indiriz cambiâtstornâ par viodisi cui amîse intivâsi tai negatîfsdi une vite, un pôc smamîts mano vonde di lassâti in pâsne lâ indaur, in prin,ne capî la fin: spietantun rumôr di fiâr, un scrocdi suste: viargi i voie savê di jessi 'zasiarât dentri il tramai leit a viodi ancje chi e chi e continuait a segnalanus al " il furlanist@hotmail.com "

Pubblicato da pionir | Commenti (1)

»»» INSIUMPS La...

2006-01-04T18:00:52+01:00

»»» INSIUMPS La rubriche di puisie de ILfurlanist. Segnalazions in redazion: nus è rivade une e-mail par proponi ai letôrs da IlFurlanist autôrs che ancjemo no erin stâts publicâts su chist sito, ve ca il secont. Silvio Ornella, 1958 (da Rudinàs, GEAPrint, Fiume Veneto 2001): I maròus I maròus si tegnin par man i sin sot sera e il sanc si pòia a planc tal grin da li culinis e il scolu – vistìs da fiesta a van a vardà la becjarìa. (Aviàn, prima domenia di vuera)

Pubblicato da pionir | Commenti

»»» INSIUMPS La...

2005-12-19T13:25:50+01:00

»»» INSIUMPS La rubriche di puisie de ILfurlanist. Segnalazions in redazion: nus è rivade une e-mail par proponi ai letôrs da IlFurlanist autôrs che ancjemo no erin stâts publicâts su chist sito, ve ca il prin. Antonio Di Biasio, 1955 (da Poesìis fatis de corso, Biblioteca Civica di Pordenone, 2003) CORSIS Se corsis che 'vén fàt dut l'an passà Se scarpis se tutis se mudandinis Se muscui mitùs su se fla se cou Dome par zî pì fuart par scjampâ miéi Da chel che no te vòus (ch'al é cun te)

Pubblicato da pionir | Commenti (1)

P.P.P. Nustri antic soranèl...

2005-10-31T18:19:34+01:00

P.P.P. Nustri antic soranèl (murive ai 02 di novembar 1975) VILOTA O ciamps lontans, Miris- cis ! fresc cianti fresc i vai, vustri antic soranèl, in miès dai muàrs rivaj.

Pubblicato da pionir | Commenti

P.P.P. Nustri antic soranèl...

2005-10-26T18:33:04+02:00

P.P.P. Nustri antic soranèl (murive ai 02 di novembar 1975) Vegnarà el vero Cristo No gò corajo de ver sogni : il blù e l’onto de la tuta, no altro tal me cuòr de operajo. Mort par quatro franchi, operajo, il cuòr, ti te gà odià la tuta e pers i to più veri sogni. El jera un fiol ch’el veva sogni, un fiòl blù coma la tuta. Vegnarà el vero Cristo, operajo, a insegnarte a ver veri sogni. DScrit tal dialet venit di Pordenon

Pubblicato da pionir | Commenti

a P.P.Pasolini, nustri antic...

2005-10-24T11:42:54+02:00

a P.P.Pasolini, nustri antic soranel (murive ai 02/11/75) …A vegnarà ben il di che il Friul si inecurzarà di vei na storia, un passat, na tradision ! … DIALET LENGHA STIL. Di sigùr, paisàns, i no veis mai pensat ai repuars c’a passin fra li ideis di “dialet”, “lenga” e “stil”. Quant ch’i parlais, i ciacarais, i sigais tra di vualtris, i doprais chel dialet ch’i veis imparat da vustra mari, da vustri pari e dai vustris vecius. E a son sècui che i frus di chisçus loucs a sucin dal sen di so mari chel dialet, e co a doventin òmis, a ghi lu insegnin encia lour ai soi fiolùs. E par imparalu, a no coventin silabarios, libris, gramatichis; a si lu parla cusì, coma c’a si mangia o c’a si respira. Nisun di vualtris al savarès scrivilu, cistu dialet, e , squasi squasi, nencia lèsilu. Ma intant lui al è vif, e se vif ! ta li vustris bocis, tai lavris da li zovinutis, tai stomis dai fantas, e al suna alegramentri di bràida in bràida, di ciamp in ciamp. Cusì il dialet al è pi ùmila e comun maniera di esprimisi al è doma che parlat, nisun al si impensa mai di scrivilu. Ma se a qualchidun a ghi vegnès che idea? I vuej disi l’idea di doprà il dialèt par esprimi i so sintimins, li so pasions? No, tegnèivi ben a mins, no par scrivi do tre stupidadis da fa ridi, o par contà do tre storiutis vecis dal so pais (parsè che alora il dialet al resta dialet, e basta li), ma cun l’ambisiòn di disi robis pi elevadis, difisilis, magari; se qualchidun, insoma, al crodès di esprimisi miej cu ‘l dialet da la so ciera, pi nouf, pi fresc, pi fuart si no la lenga nasional imparada tai libris? Se a qualchidun a ghi ven che idea, e al è bon di realisala, e altris c’a parlin che stes dialet, a lu sèguitin e a lu imitn, e cussì, puc a la volta, a si ingruma na buona quantitat di material scrit, alora chel dialet al doventa “lenga”. La lenga a sarès cussì un dialet scrit e doprat par esprimi i sintimins pi als e segres dal cour. Cussì, i veis di savè – par esempi – che il Talian na volta, tanciu sècui fa al era encia li doma che un dialet, fevelat da la poura zent, dai contadins, dai famejs, dai sotans, mentri che i siors e i studias a parlavin e scrivevin in latin. E par imparalu, a no coventin silabarios, libris, gramatichis; a si lu parla cusì, coma c’a si mangia o c’a si respira. Nisun di vualtris al savarès scrivilu, cistu dialet, e , squasi squasi, nencia lèsilu. Ma intant lui al è vif, e se vif ! ta li vustris bocis, tai lavris da li zovinutis, tai stomis dai fantas, e al suna alegramentri di bràida in bràida, di ciamp in ciamp. Cusì il dialet al è pi ùmila e comun maniera di esprimisi al è doma che parlat, nisun al si impensa mai di scrivilu. Ma se a qualchidun a ghi vegnès che idea? I vuej disi l’idea di doprà il dialèt par esprimi i so sintimins, li so pasions? No, tegnèivi ben a mins, no par scrivi do tre stupidadis da fa ridi, o par contà do tre storiutis vecis dal so pais (parsè che alora il dialet al resta dialet, e basta li), ma cun l’ambisiòn di disi robis pi elevadis, difisilis, magari; se qualchidun, insoma, al crodès di esprimisi miej cu ‘l dialet da la so ciera, pi nouf, pi fresc, pi fuart si no la lenga nasional imparada tai libris? Se a qualchidun a ghi ven che idea, e al è bon di realisala, e altris c’a parlin che stes dialet, a lu sèguitin e a lu imitn, e cussì, puc a la volta, a si ingruma na buona quantitat di material scrit, alora chel dialet al doventa “lenga”. La lenga a sarès cussì un dialet scrit e doprat par esprimi i sintimins pi als e segres dal cour. Cussì, i veis di savè – par esempi – che il Talian na volta, tanciu sècui fa al era encia li doma che un dialet, fevelat da la poura zent, dai contadins, dai famejs, dai sotans, mentri che i siors e i studias a parlavin e scrivevin in latin. In latin al era insoma coma che ades al è par nu il Talian, e il Talian (cu’l Franseis, il Spagnoul, il Portogheis), al era un dialet dal Latin, coma che ades, par nu, l’Emilian, il Sicilian, il Lombart… a son dialès dal Talian. Ma eco c’a saltin four, in Toscana, scritòurs e poès c’a volin sfogà cun pi sinceritat e vivacitat i so afiès, e in maniera che ducius a ju capissin: e cussì a si metin a scrivi tal so dialèt toscan. In dialèt toscan Dante al scrif la so “Divina Comedia”, in dialèt toscan il Petrarca al scrif li so poesiis, e cusì che dialèt un puc par volta al doventa lenga e al sostituis il Latin. E sicoma che ducjus chei altris dialès italians a no an né documins scris ne poès, la lenga toscana a si impon su ducius e a doventa lenga italiana. Pa vigni a disi dal nustri dialèt, fra i dialès di Italia, il fulan al à na fisunumia so e ben distinta, par sers caraters e sertis formis antighis c’al conserva e che no lu lassin confondi cun nissun altri, Stant ai studios, il furlan al fai part dai dialès ladìns, peraula c’a val coma disi latìns. La “Ladiania” a sares na region c’a comprend il Friul, la Ciargna , li Alpis fin ai Grigions, e c’a à derivat la so fevela diretamintri dal Latin, né pi né mancul che coma il Franseis, il Talian etc. Infati come esia il plural dai nons italians? In vocal: rosa, ros-e; campo camp-i. E par Furlan? In consonant (s): rosa, rosi-s; ciamp, ciamp-s. chista particularitat e tantis altris a an convinsut i studiòus a considerà il Furlan coma un dialèt no italian, ma parsestant. Purtrop però il Friul, par tantis mai rasons, a no’l à avut in nisun timp un grant poeta c’al ciantàs ta la so lenga e a ghi des splendour e renomansa; il Friul al à sempri cugnut doprà che fevela par li puoris operis dai contadins, dai montagnars, dai mercatins, par comandà o domandà di mangià, di bevi di fa l’amour, di ciantà , di lavorà. Cun chistu, i no vuej disi che il Furlan no’l sedi mai stat scrit , c’a no’l vedi vut nencia un poeta; tancius a-nd-à vus, ma squasi ducius poetùs, cun pucia ambision, pucia fantasia, c’a no zevin pi in là di ches poesiutis sintimintalis, paisanis e disavidis, o di ches spiritosadis c’a fan encia ridi, ma, finida la riduda, a finis dut. Però dal secul XIV a vuei, qualchi poeta al si inalsa, o par la fuarsa dura e paisana dal so carater (Co. Ermes di Coloret, 1622-1692), o par na buna vena musical (Pieri Zorut, 1792-1867) o par la limpiditat dal so scrivi (Caterina Percoto, 1812-1884). E encia tra i modernos i vin qualchi bon scritour (Bonini, Argeo, Carletti, Chiurlo e altris). Ma, coma ch’i disevi, scritours di chei c’a fan cambià, scrivindilu, dialèt in lenga, il Friul a no-nd-à vus. A no è dita però ch’i no vedi di veju! A è miej spetà e sperà che no rindisi, parsè che rindis, se no altri, a voul disi rifiutà no doma poesia e art, ma dignitat e, massime, storia. A vegnarà ben il di che il Friul al si inecuarzarà di vei na storia, un passat, na tradision ! Intant, paisans, persuadeivi di na roba: che il nustri dialèt furlan a no ‘l à nuja di invidià a chel di Udin, di San Danel, di Sividat… Nisun, a è vera, a lu à mai doprat per scrivi, esprimisi, ciantà; ma a no è justa nencia pensà che, par chistu, al vedi sempri di sta soterat tai vustris fogolars, tai vustris ciamps, tai vustris stomis. Chel di là da l’aga a no pol vantasi, in confront dal nustri, di esi lenga no dialèt, propit parsè che coma ch’i disevi, a no ‘l à dat nissun grant scritour. Dutis li fevelis furlanis, di cà e di là da l’aga, dai mons e dal plan, a spetin la stesa storia, a spetin che i Furlans a si inecuarzin veramintri di lour, e a li onorin coma c’a son degnis: fevelà Furlan a voul disi fevelà Latin. Quant che un dialèt al ven lenga, ogni scritour al dopra che lenga a conforma da li so ideis, dal so carater, da li so bramis. Insoma ogni scritour al scrif e al compon in maniera diviersa e ognun al à il so “stil”. Chel stil al è alc di interiour, platàt, privat, e, massime, individual. Un stil a no ‘l è né italian e né todesc e né furlan, al è di chel poeta e basta.

Pubblicato da pionir | Commenti (1)

INSIUMPS:...

2005-07-20T13:17:34+02:00

INSIUMPS: rubriche di poesie da ILfurlanist I Colôrs da lis vôs - AVOSTANIS 2005 ass. cult COLONOS: O eri li de Friulibris cuan che al passe Fedri dai Ros a consegnâ il calendari di Avostanis, apontament culturâl estîf zaromai consolidât. Tantis lis iniziativis e par i amants de poesie ai 11 di setembar cjatarà une zornade veramentri penze: 11 oris par 22 autôrs (10.00>21.00) altri che Heineken Jamming Festival ! La direzion artistiche a è stade dade a Pierluigi Cappello e chi sot cjatait l'elenco dai poets che in buine part e son già stâts segnalâts su Insiumps segnâl ch'o vin vût bon voli: Elio BARTOLINI, Luigi BRESSAN, Novella CANTARUTTI, Pierluigi CAPPELLO, Ivan CRICO, Antonio DE BIASIO, Vincenzo DELLA MEA, Nelvia DI MONTE, Alberto GARLINI, Amedeo GIACOMINI, Tito MANIACCO, Luciano MORANDINI, Silvio ORNELLA, Rossana PARONI BERTOJA, Flavio SANTI, Federico TAVAN, Mery Barbara TOLUSSO, Umberto VALENTINIS, Gian Mario VILLALTA, Ida VALLERUGO, Giacomo VIT, Leonardo ZANIER.

Pubblicato da pionir | Commenti